ភ្នំពេញ: រដូវក្តៅហួតហែង ញើសចេញច្រើន ហេតុនេះតម្រូវការអំពីទឹកកើនខ្ពស់
។ បើផឹកទឹកមិនត្រឹមត្រូវ នឹងធ្វើឱ្យអារម្មណ៍នឿយហត់មកដល់លឿនជាងទិន្នផលពលកម្មថយចុះ។
មនុស្សជាច្រើនគិតថា ផឹកទឹកច្រើនធ្វើឱ្យអន់ស្រេកផង និងបង្កើនការកម្ចាត់ជាតិពុលចេញផុតពីសរីរាង្គផង ។ ប៉ុន្តែត្រូវផឹកទឹកប៉ុន្មានក្នុងមួយថ្ងៃ ជាសំណួរសាមញ្ញ តែមិនងាយឆ្លើយ ព្រោះតម្រូវការអំពីទឹកសម្រាប់សរីរាង្គ មានលក្ខណៈដោយឡែកនិងចំណុះទៅលើកត្តាជាច្រើនដូចជាសុខភាព ចលនា និងតំបន់កំពុងរស់នៅ ។ នោះគឺពុំទាន់និយាយដល់ផឹកប៉ុន្មានគឺគ្រប់គ្រាន់ ផឹកនៅពេលណា វិធីផឹកយ៉ាងដូចម្តេច ?
មនុស្សជាច្រើនគិតថា ផឹកទឹកច្រើនធ្វើឱ្យអន់ស្រេកផង និងបង្កើនការកម្ចាត់ជាតិពុលចេញផុតពីសរីរាង្គផង ។ ប៉ុន្តែត្រូវផឹកទឹកប៉ុន្មានក្នុងមួយថ្ងៃ ជាសំណួរសាមញ្ញ តែមិនងាយឆ្លើយ ព្រោះតម្រូវការអំពីទឹកសម្រាប់សរីរាង្គ មានលក្ខណៈដោយឡែកនិងចំណុះទៅលើកត្តាជាច្រើនដូចជាសុខភាព ចលនា និងតំបន់កំពុងរស់នៅ ។ នោះគឺពុំទាន់និយាយដល់ផឹកប៉ុន្មានគឺគ្រប់គ្រាន់ ផឹកនៅពេលណា វិធីផឹកយ៉ាងដូចម្តេច ?
ស្ត្រីមានគភ៌ត្រូវការទឹកច្រើន
មនុស្សពេញវ័យ
ទឹកដណ្តើម៦០ភាគរយ-៧០ភាគរយ បរិមាណទម្ងន់សរីរាង្គ ។ មនុស្សម្នាក់ទម្ងន់ ៥០គីឡូក្រាមនឹងមានដល់៣២គីឡូក្រាមជាទឹក
។ មនុស្សពេញវ័យបាត់បង់ទឹក តាមរយៈបណ្តាសកម្មភាពដូចជា ដកដង្ហើម ចេញញើស
បត់ជើងធំ (ប្រមាណ ១,៥លីត្រក្នុងមួយថ្ងៃ) និងបត់ជើងតូច (ក៏ប្រមាណ១,៥លីត្រក្នុងមួយថ្ងៃ) ។ ហេតុនេះដើម្បីឱ្យសរីរាង្គមានសកម្មភាពធម្មតានេះ
ត្រូវបំពេញបន្ថែមទឹក ។ ធម្មតាពេលបានគ្រប់ទឹកនោះ សរីរាង្គកម្រមានអារម្មណ៍ស្រេក
និងនៅតែបត់ ជើងតូចប្រមាណ១-២លីត្រក្នុងមួយថ្ងៃ ។
ជាមធ្យមអាហារផ្គត់ផ្គង់២០
ភាគរយបរិមាណទឹកសរុបនាំបញ្ចូលក្នុងសរីរាង្គ ។ ចំណែកនៅសល់គឺមកពីពពួកភេសជ្ជៈ
ប៉ុន្តែទឹកនៅតែជាជម្រើសល្អបំផុត ព្រោះមិនផ្ទុកថាមពល, ថោកនិងងាយរក ។ ប្រសិនផឹក២លីត្រ ក្នុងមួយថ្ងៃ
(រួមមានទឹក និងភេសជ្ជៈ ផ្សេងៗរួមជាមួយរបបទទួលទានធម្មតា គឺបំពេញគ្រប់គ្រាន់ចំពោះមនុស្សធម្មតា (ទម្ងន់មិនធ្ងន់ហួស, ពលកម្ម ធ្វើការរៀន សូត្រ, មិនតានតឹងជ្រុល, លំបាកនឿយហត់) ។
សរីរាង្គខ្វះទឹក
ពេលមិនត្រូវបានផ្គត់ផ្គង់គ្រប់គ្រាន់។ សូម្បីតែពេលខ្វះទឹកស្រាល
ក៏អាចបំផ្លាញកម្លាំងកំហែង និងបង្កឱ្យនឿយហត់ ។ បណ្តាមូលហេតុ តែងធ្វើឱ្យសរីរាង្គបាត់បង់ទឹកគឺសកម្មភាពតឹងតែង
ចេញញើសច្រើន ក្អួត និង រាករូស ។ ជំងឺតម្កាត់ ឬមានគភ៌ និងបំបៅកូន ក៏ធ្វើឱ្យកើនតម្រូវការទឹក (កំពុងមានគភ៌ត្រូវការ២,៤លីត្រក្នុងមួយថ្ងៃ បំបៅដោះកូនត្រូវការ៣លីត្រ ក្នុងមួយថ្ងៃ) ។ សូម្បីតែពេលបាត់បង់ទឹកតិច
(បាត់១ភាគរយ-២ភាគរយទម្ងន់សរីរាង្គ) ក៏បង្កឱ្យរសេះរសោះ ងីងើ អស់កម្លាំង
មានអារម្មណ៍ស្រេក នោមតិច ឬមិននោម ខ្សោយសាច់ដុំ វិលមុខ ងងឹតមុខ ។ សរីរាង្គខ្វះទឹកធ្ងន់
អាចគំរាមកំហែងអាយុជីវិត ពិសេសគឺកុមារនិងមនុស្សចាស់ ។
ផឹកភ្លាមពេលពុំទាន់ស្រេក
រដូវក្តៅ
បែកញើសច្រើន បណ្តាលឱ្យសរីរាង្គរសេះរសោះ ហើយពេលណាក៏មានអារម្មណ៍ស្រេកទឹកដែរ។
អាស្រ័យហេតុនេះ គួរផឹកទឹកជាប្រចាំ ទាំងពេលពុំទាន់ស្រេក។ វិទ្យាសាស្ត្រ បានបញ្ជាក់ឱ្យឃើញថា
ក្នុងលក្ខខណ្ឌធ្វើការដូចគ្នា ហើយបរិមាណញើសចេញមកប្រហាក់ប្រហែលគ្នានោះ
ពួកអ្នកផឹក ទឹកគ្រប់គ្រាន់តាមវិធីត្រឹមត្រូវនឹងមានសុខភាពល្អជាង ទិន្នផលពលកម្មខ្ពស់
ហើយសភាពនឿយហត់មកដល់យឺតជាង ។
ដើរហាលថ្ងៃក្តៅ
ធ្វើឱ្យចេញញើសច្រើន បង្កអារម្មណ៍ស្រេកទឹក ។ ប៉ុន្តែបើលើកទឹកផឹកក្អឹកៗ ពិសេសគឺទឹកត្រជាក់ដើម្បីបំពេញភាពស្រេក
នឹងបណ្តាលឱ្យបេះដូងលោតញាប់ជាង និងបង្កឱ្យច្របូកច្របល់ចង្វាក់បេះដូង
ដង្ហើមដង្ហក់ ចេញញើសត្រជាក់ មិនតែប៉ុណ្ណោះនាំដល់ការរលាកបំពង់ក បង្ករំញោច គ្មានប្រយោជន៍ឱ្យក្រពះ
។ ចំពោះកុមារទឹកត្រជាក់មិនត្រឹមតែធ្វើឱ្យរលាកបំពង់កប៉ុណ្ណោះទេ តែនៅឥទ្ធិពលដល់ធ្មេញ
ធ្វើឱ្យស្រៀវធ្មេញ រលាកអញ្ចាញធ្មេញ ព្រោះធ្មេញកុមារដុះពុំទាន់សព្វគ្រប់
អញ្ចាញនៅខ្សោយ ។
ត្រូវផឹកទឹកគ្រប់គ្រាន់, ផឹកតាមខួបបង្កើតទម្លាប់ផឹកទឹកជាប្រចាំចន្លោះ
២០-៣០នាទីផឹកម្តង ។ ទឹកផ្អែមមានហ្គាសពុំត្រឹមតែបង្ករំញោច ញៀន ឬ បង្កើនថាមពលឱ្យអ្នកផឹកប៉ុណ្ណោះទេ
តែនៅជាសារជាតិស្រួលបត់ជើងតូច ។ អាស្រ័យហេតុនេះ សរីរាង្គងាយបាត់បង់ទឹកណាស់ពេលផឹកទឹកផ្អែមមានហ្គាស។
ជំនួសឱ្យផឹកពពួកផឹកមានហ្គាស មានស្ករ…នោះ គួរផឹកទឹកឆ្អិនទុកឱ្យត្រជាក់ ។
ពេលព្រឹកក្រោកពីដំណេក
ផឹកទឹកឆ្អិន១-២កែវ គឺជួយឱ្យស្វាងផង និងមានឥទ្ធិពលសម្អាតផ្លូវរំលាយអាហារផង
។ គួរផឹកទឹក១០នាទីមុន ពេលបរិភោគ ឬមួយម៉ោងក្រោយពេលបរិភោគ
គឺមិនត្រូវផឹកភ្លាមក្រោយ ឬក្នុងពេលបរិភោគ ព្រោះនឹងធ្វើឱ្យរាវកំហាប់រំលាយអាហារនិងឆាប់នាំរំអិល
ក្រពះចុះទៅពោះវៀន ធ្វើឱ្យការរំលាយអាហារលំបាក ។ ជាងនេះទៅទៀត ផឹក បណ្តើរ បរិភោគបណ្តើរនឹងធ្វើឱ្យយើងលេបអាហារពុំទាន់បានទំពាល្អិតល្អន់
មិនល្អសម្រាប់ការរំលាយអាហារ ៕
គេហទំព័រ kqube