អ្នកជំនាញការខាងការប្រឹក្សាអំពីរបបទទួលទានបែបតម
ជនជាតិឥណ្ឌា លោក Shonali
Sabherwal បានឱ្យដឹងថា “មនុស្សសឹងតែគ្រប់រូបផឹកទឹកក្នុងពេលទទួលទាន
ដោយចាត់ទុកថាទឹកអាចធ្វើឱ្យចំណីអាហារចុះទៅក្រោមដោយងាយស្រួលជាង ។
ប៉ុន្តែពួកគេមិនដឹងថា នេះជាការត្រិះរិះមួយខុសឆ្គងទាំងស្រុង
និងផ្តល់គ្រោះថ្នាក់ដល់ប្រព័ន្ធរំលាយអាហារទៅវិញទេ” ។
លោក
Shonali បកស្រាយថា
ផឹកទឹកក្នុងពេលទទួលទានអាចបង្កការរារាំងប្រព័ន្ធរំលាយអាហារ
និងធ្វើឱ្យកើនបរិមាណ insulin ។
ចំពោះអ្នកជួបបញ្ហាផ្លូវរំលាយអាហារនោះ ផលអាក្រក់កាន់តែធ្ងន់ធ្ងរជាងនេះច្រើន
។ “ក្រពះមានលទ្ធភាពដឹងពេលវេលាយើងបរិភោគហើយភ្លាមៗនោះ
បញ្ចេញជាតិរំអិលរំលាយអាហារ ។ ប្រសិនចាប់ផ្តើមផឹកទឹកភ្លាមនៅពេលនោះ
គឺនឹងធ្វើឱ្យរសាត់បាត់ជាតិរំអិល
ដែលត្រូវបានបញ្ចេញដើម្បីរំលាយចំណីអាហារ
ដូច្នេះហើយសកម្មភាពរបស់ប្រព័ន្ធរំលាយអាហារនឹងត្រូវថយចុះ” លោក Shonali ឱ្យដឹងបន្ថែម ។
ផឹកទឹកក្នុងពេលទទួលទាន
ក៏អាចធ្វើឱ្យកើនបរិមាណ insulin
ហើយដែលអូសទៅតាមនោះ គឺការផ្តុំសន្សំសារជាតិខ្លាញ់ ។ ដើម្បីបញ្ចៀសផឹកទឹកច្រើនក្នុងពេលទទួលទាន
លោក Shonali បានផ្តល់នូវដំបូន្មានមួយចំនួនថា
មិនត្រូវទទួលទានអាហារប្រៃពេក ព្រោះអាចធ្វើឱ្យស្រេកទឹក
និងប្រឹងប្រែងទទួលទានយឺតៗ ។ ការស្រាវជ្រាវនេះចង្អុលបង្ហាញថា
ផឹកទឹកបន្តិចក្នុងពេលបាយ ពុំផ្តល់គ្រោះថ្នាក់អ្វីឡើយ តែប្រសិនផឹកមួយ
ឬពីរកែវ ឬច្រើនជាងនេះ វានឹងជះឥទ្ធិពលទៅដល់ប្រព័ន្ធរំលាយអាហារ។ ពួកអ្នកស្រាវជ្រាវក៏ទូន្មានថា
“ល្អបំផុត គឺគួរផឹកទឹកមុន ឬក្រោយពេលបាយពីរម៉ោង
នឹងជួយដល់ការស្រូបយកសារជាតិជីវជាតិបានល្អប្រសើរជាង” ៕
- ប្រភព CEN