ល្ហុង
មែនហើយ ការញ៉ាំល្ហុង អាចជំរុញដល់ការរំលាយអាហារបាន។ អ្នកអាចញ៉ាំល្ហុងទុំ ឬល្ហុងខ្ចីដែលប្រើសម្រាប់ធ្វើជាម៉ាំ។ ល្ហុងនេះមានសារធាតុ Papain និង Chymopapain ដែលជាអង់ស៊ីម មិនត្រឹមតែសម្រួលដល់ការធ្វើចលនារបស់ពោះវៀន និងរំលាយអាហារទេ តែថែមទាំងជួយច្រោះជាតិពុល ដើម្បីលាងសម្អាតពោះវៀនធំដែរ។
ខ្ញី
គ្មានអ្វីពិបាកទេ ក្នុងការប្រើប្រាស់ខ្ញីធ្វើជាតែ ដើម្បីញ៉ាំរាល់ព្រឹកនោះ តែអ្នកក៏អាចប្រើវា ធ្វើជាម្ហូបទទួលទាន ដើម្បីសម្រួលដល់ការរំលាយអាហារកាន់តែស្រួលដែរ។ វត្តមានរបស់អង់ទីអុកស៊ីដង់ និងប្រេងប្រភេទ Volatile ក្នុងខ្ញី មិនត្រឹមតែជួយដល់ ការបឺតស្រូបជីវជាតិទេ តែក៏ពង្រឹងដល់ការបញ្ចេញ រសរំលាយអាហារផងដែរ។
ផ្លែឈើជូរៗ
ផ្លែឈើជូរៗ អាចបង្កើនអាស៊ីត និងសម្រួលដល់ការរំលាយអាហារបាន ដូច្នេះ ការញ៉ាំផ្លែឈើប្រភេទនេះពិតជាល្អ ចំពោះអ្នកមានបញ្ហាក្រពះមិនកិនល្អ។ អ្វីដែលគួរឲ្យចាប់អារម្មណ៍នោះ គឺថា ផ្លែឈើជូរៗ ផ្ទុកទៅដោយអង់ទីអុកស៊ីដង់ ដែលវាមិនត្រឹមតែ ជួយច្រោះជាតិពុលក្នុងផ្លូវរំលាយអាហារប៉ុណ្ណោះទេ តែក៏សម្រួលដល់ការបឺតស្រូប ជីវជាតិក្នុងពោះវៀនផងដែរ៕
ប្រភព ៈ Health