នេះជាដំណឹងល្អមួយសម្រាប់អ្នកដែលចូលចិត្តញ៉ាំស្រាបៀរ។ អ្នកវិទ្យាសាស្ត្រជាច្រើនបានធ្វើសេចក្តីសម្រេចចុងក្រោយថា ភេសជ្ជៈបែបស្រាបៀរគឺពិតជាមានផលល្អសម្រាប់សុខភាពមនុស្សមែន ដូច្នេះអ្នកអាចញ៉ាំវាក្នុងកម្រិតមួយសមល្មម។ ខាងក្រោមនេះគឺជាអត្ថប្រយោជន៍មិនគួរឲ្យជឿនៃការទទួលទានស្រាបៀរក្នុងកម្រិតមួយមធ្យម។បង្កើនកំហាប់ឆ្អឹង
ការសិក្សាជាច្រើនបានបង្ហាញថា ស្រាបៀរមានសាធាតុ Silicon ដែលអាចជួយភ្ជាប់សាច់ដុំ និងជាលិកាឆ្អឹងជាមួយគ្នា និងបង្កើនកំហាប់ឆ្អឹងបាន។ ពពួកស្រាបៀរបែបពណ៌ខ្មៅពិសេសវិញ គឺមានសារធាតុមួយនេះខ្ពស់ ដូច្នេះការទទួលទានត្រឹមកម្រិតមធ្យមគឺអាចជួយបង្ការជំងឺពុកឆ្អឹងបាន។
បន្ថយការប្រឈមនឹងជំងឺគាំងបេះដូង
យោងទៅតាមសាកលវិទ្យាល័យ Harvard ដែលមានការសិក្សាច្រើនជាង ១០០ បានរកឃើញថា ការញ៉ាំស្រាបៀរអាចបន្ថយការប្រឈមនឹងជំងឺគាំងបេះដូងរហូតដល់ ៤០ភាគរយ។ ដូច្នេះបើសិនជាអ្នកចង់បានបេះដូងសុខភាពល្អ អ្នកអាចញ៉ាំស្រាបៀរត្រជាក់ៗសម្រាប់អាហារពេលយប់ខ្លះបាន។
បន្ថយកម្រិតកូឡេស្តេរ៉ុល
អ្នកវិទ្យាសាស្ត្របានរកឃើញថា ការញ៉ាំស្រាបៀរនាំឲ្យកើនឡើងដល់ចំនួនកូឡេស្តេរ៉ុលល្អក្នុងឈាម។ ត្រៀមស្រាបៀរពីរកំប៉ុងក្នុងមួយថ្ងៃអាចផ្តល់ផលវិជ្ជមានដល់កម្រិតកូឡេស្តេរ៉ុលក្នុងខ្លួនបានហើយ។
បន្ថយការប្រឈមនឹងជំងឺទឹកនោមផ្អែម
តាមការសិក្សាជាលក្ខណៈប្រៀបធៀបបានឲ្យដឹងថា ការទទួលទានគ្រឿងស្រវឹងក្នុងកម្រិតមធ្យមមានទំនាក់ទំនងធ្វើឲ្យថយចុះនូវការប្រឈមនឹងជំងឺទឹកនោមផ្អែមប្រភេទទី២។ អ្នកស្រាវជ្រាវជនជាតិអាមេរិកបានរកឃើញថា អ្នកដែលញ៉ាំស្រាបៀរចាប់ពី ៣០០មីលីលីត្រចុះក្រោមក្នុងមួយថ្ងៃ អាចបន្ថយការប្រឈមនឹងការកើតជំងឺទឹកនោមផ្អែមបានហើយ។
បង្ការជំងឺគ្រួសក្នុងតម្រងនោម
គ្មាននរណាចង់ឲ្យមានគ្រួសកើតឡើងក្នុងតម្រងនោមរបស់ខ្លួនឡើយ។ សំណាងដែរ ការសិក្សាបានរកឃើញថា អ្នកដែលញ៉ាំស្រាបៀរមួយដប់ក្នុងមួយថ្ងៃឃើញថា វាអាចបន្ថយការប្រឈមនឹងជំងឺគ្រួសក្នុងតម្រងនោមរហូតដល់ ៤០ភាគរយឯណោះ។
ការពារជំងឺភ្លេចភ្លាំង
ពិតណាស់ រឿងនេះស្តាប់ទៅដូចជាចម្លែកមែន ដែលគេយកគ្រឿងស្រវឹងទៅទប់ស្កាត់ជំងឺភ្លេចភ្លាំងទៅវិញ។ មនុស្សគ្រប់គ្នាអាចនឹងឆ្ងល់ និងស្រឡាំងកាំងនៅពេលដឹងរឿងនេះ។ ប៉ុន្តែសារធាតុ Xanthohumol ដែលមានក្នុងស្រាបៀរអាចជួយបង្ការសម្ពាធអុកស៊ីតកម្ម ដែលវាជាកត្តាមួយជំរុញឲ្យមានជំងឺភ្លេចភ្លាំងនៅពេលចាស់ជរា។ ដូច្នេះហើយ ការញ៉ាំស្រាបៀរក្នុងកម្រិតមធ្យមពិតជាអាចជួយបន្ថយឥទ្ធិពលនៃការចាស់របស់ខួរក្បាលបាន៕
ប្រភព៖ Health