ត្រកួន បំបាត់អាការ ពងបែកក្នុងមាត់ របស់អ្នកកើត រោគទឹកនោមផ្អែម

សរសេរដោយ ភ្នំពេញដេលីញូវ

ត្រកួនផ្តល់ ផលប្រយោជន៍ ច្រើនដល់​ អ្នកបរិភោគ ។ សារជាតិ ដែលគេស្គាល់ច្បាស់ ក្នុងត្រកួននោះ គឺបេតាឃែរ៉ូទីន ដែលជាប្រភពដើម របស់វីតាមីនអា ។ វីតាមីនទាំងនេះ ពេលបរិភោគទៅ ជួយដល់ភ្នែក ធ្វើឱ្យគ្រាប់ភ្នែក មានទឹកចិញ្ចឹម គ្រាប់ភ្នែកមិនស្ងួត មិនក្រហាយ និងពិសេស ជួយឱ្យគ្រាប់ភ្នែកមើលទៅស្រទន់ស្អាតទៀតផង ។

ក្រៅពីនេះ ត្រកួននៅមាន ធាតុដែក ជំនួយឈាម កាល់ស្យូម និង ហ្វូស ហ្វ័រ ។ សារជាតិទាំងនេះជំនួយដល់ឆ្អឹង និង ធ្មេញរឹងមាំ ។ ជាមួយ គ្នានេះដែរ ត្រកួននៅមានកាកសរសៃ ជួយួឱ្យការបន្ទោបង់ស្រួល ពិសេសជាងនេះ ត្រកួននៅមានសារជាតិ ម៉្យាងទៀតមានតួនាទីកាត់បន្ថយ សារជាតិស្ករក្នុងសរសៃ ឈាម ។ ចំពោះអ្នកកើត​រោគទឹកនោមផ្អែម បើបានយកទឹកត្រកួនលាយជាមួយ អំបិលបៀមទុកក្នុងមាត់ឱ្យបានប្រហែល ២ នាទី មួយថ្ងៃ ២ ដង នឹងជួយ បំបាត់អាការដំបៅ ពងបែកក្នុងមាត់ បានផងដែរ ។

ដោយឡែក ការស្រាវជ្រាវ ចុងក្រោយបំផុតនេះ គេនៅបានរកឃើញទៀតថា ការបរិភោគត្រកួនក្រោយពីស្រវឹង អាចជួយកាត់បន្ថយអាការ ពុលគ្រឿងស្រវឹង បានមួយកម្រិតថែមទៀត ៕