ពិសាស្រាបៀរប្រឈមនឹងជម្ងឺមហារីក

ការទទួលទានគ្រឿងស្រវឹងនៅក្នុងប្រទេសកម្ពុជាយើងនៅពេលមានកម្មវិធីអ្វីមួយ រមែងតែងតែមានជារើយៗ  វាកម្រណាស់ ដែលគេងៀកទៅរកការសម្បាយរីករាយដោយវិធីផ្សេង ក្រៅពីការបង្កបរិយាយទទួលទានគ្រឿងស្រវឹងអោយកាន់តែសម្បាយទៅៗ​ នោះ ។ ដូច្នេះហើយការទទួលទានគ្រឿងស្រវឹង ពេលខ្លះធ្វើអោយមនុស្សមួយចំនួនពេលជាតិស្រវឹងចូលខ្លួនហើយ ហាក់ធ្វើអោយ ពូកគេកា្លយជាមនុស្សមួយថ្មី  បែរជាពូកែនិយាយ និយាយមិនចេះចប់ ហ៊ានដេញចាប់កូនក្រមុំគេ និងពេលខ្លះក្លាហានដល់ហ៊ានជាន់ មីនមិនទាន់ផ្ទុះក៏មាន ។ ប៉ុន្តែការទទួលទានគ្រឿងស្រវឹងច្រើនលើសកំណត់មិនមានផលល្អចំពោះសុខភាពទាល់តែសោះ  បើផ្អែកតាម ការស្រាវជ្រាវរកឃើញនៃអ្នកជំនាញ ។ ដូចការចុះផ្សាយតាមរយៈកាសែត និងទស្សនាវដ្តីកន្លងហើយបានបញ្ជាក់ថា សំរាប់បរុស ម្នាក់មិនអាចហូបស្រាបៀរឱ្យលើសពីពីរកែវទេក្នុងមួយថ្ងៃ  ចំពោះស្រ្តីក៏ដូចគ្នាដែរ គឺក្នុងម្នាក់មិនអាចហួបស្រាបៀរឱ្យលើសពីមួយ កែវទេក្នុងមួយថ្ងៃ ។

តាមការស្រាវជ្រាវពីសាកលវិទ្យាល័យសហរដ្ឋអាមេរិកបានបង្ហាញថា ចំពោះមនុស្សទូទៅដែលនិយមចូលចិត្តពិសាស្រាបៀរ ពីរ ឬ បីកែវក្នុងមួយថ្ងៃជារៀងរាល់ថ្ងៃជាប់ៗគ្នាច្រើនឆ្នាំ នឹ​ងប្រឈមជាមួយនឹងជំងឺមហារីកក្រពះរហូតដល់ទៅ ៧៥ ភាគរយ​ បើ ប្រៀបធៀបទៅនឹងមនុស្សដែលមិនពិសាវា ។ ប៉ុន្តែមនុស្សខ្លះមានប្រភេទហ្សែនម្យ៉ាងដែលអាចទប់ទល់បញ្ហានេះអោយធ្លាក់ចុះត្រឹម​តែ ២០ ទៅ ២៥ ភាគរយប៉ុណ្ណោះ ។​ តែទោះជាយ៉ាងនេះក្តី មនុស្សប្រភេទនេះក៏គង់មានថ្ងៃណាមួយកើតនូវជម្ងឺមហារីកនេះដូចតែគ្នា​ បើគេនៅតែចូលចិត្តពិសាស្រាបៀរជាប់ៗគ្នាជារៀងរាល់ថ្ងៃ ។ ដូច្នេះប្រសិនបើយើងទាំងអស់គ្នាមិនពិសាស្រាបៀរទេនោះ បញ្ហាទាំង អស់នេះក៏មិនអាចកើតមានចំពោះខ្លួនយើងដែរ ។

បើតាមគេហទំព័រ Khmerzoom ក៏បានបង្ហាញប្រាប់ដែរថា ពិសាស្រាបៀរជាប្រភពប្រឈមនឹងជំងឺមហារីក

ការហូបស្រាបៀរ ស្រាលាយ ឬស្រាមួយកែវសម្រាប់អាហារ ពេលព្រឹកឬ ល្ងាចនោះគឺគ្មានប្រតិកម្មខ្លាំងក្លាអ្វីដល់សុខភាពទេ ព្រោះការហូបតិចតួចបែបនេះ វាជាជំនួយឪ្យពិសាបាយបានកាន់តែច្រើន ។ តែបើអ្នកហូបស្រា ស្រាបៀរច្រើន កែវក្នុងមួយថ្ងៃ គឺឱកាសដែលនឹងកើតជំងឺមហារីកសុដន់ក៏មានច្រើនជាងពាក់កណ្តាល ចំពោះស្រ្តី ។ ចំណែកទ្រឹស្តីអ្នកស្រាវជ្រាវមួយក្រុមទៀតនៅ​សហរដ្ឋអាមេរិកប្រាប់ ឱ្យដឹងថា ការផឹកស្រា ស្រាបៀរ គឺមានជាតិអាល់កុលទៅជំរុញកម្រិតអេស្ត្រូជេនឱ្យបង្កើនបន្ថែមឡើង​ ដែល​ជាប្រភពទំនាក់ទំនងនៃការកើតជំងឺមហាររីកសុដន់ ។