វិធីធ្វើឲ្យអារម្មណ៍ ស្រស់ស្រាយ ពេញមួយថ្ងៃ

១- ពេលព្រឹក
អ្នកគួរស្តាប់បទចំរៀងពីរោះៗឬ ដាក់សម្លេងនាឡិកាឲ្យរោទ៍ដោយបទចម្រៀង ពីរោះៗ រួចផ្តើមយកអារម្មណ៍នៃថ្ងៃថ្មីដោយៈ
- បើកបង្អូចស្រូបយកធាតុអាការសបរិសុទ្ធ ឬដើរទៅខាងមុខផ្ទះ ឲ្យផ្ទៃមុខប៉ះនឹងខ្យល់បរិសុទ្ធ រួចដកដង្ហើមចូលឲ្យវែងៗ៥ដង។
- ងូតទឹកនឹងសាប៊ូដែលមានក្លិនក្រអូប ដើម្បីបន្ថែមភាពស្រស់ថ្លាដល់អារម្មណ៍ព្រមទាំង លាប បំប៉នស្បែក ដោយក្រែម និងច្របាច់មាស្សាស្រាលៗ។
- បាញ់ទឹកអប់ក្លិនក្រអូបប្រហើរដើម្បីឲ្យមានភាពស្រស់ស្រាយអារម្មណ៍ល្អ។
- បន្ថែមភាពស្រស់ថ្លាឲ្យរាងកាយដោយការពិសារតែ ជីអង្គាមឬទឹក្រូចឆ្មារក៏បាន។
- ដើរឬធាក់កងជំនួសការជិះរថយន្តទៅធ្វើការដើម្បីបានស្រូបយកខ្យល់អាកាសបរិសុទ្ធ។

២-ពេលថ្ងៃត្រង់
អំឡុងពេលធ្វើការត្រូវមានពេលសម្រាកខ្លះ បើត្រូវអង្គុយនឹងមួយកន្លែងយូរៗត្រូវឧស្សាហ៍ ងើប សម្រួលសសៃ និងដកដង្ហើមវែងៗ។ ពិសារផ្លែប៉ោមមួយផ្លែ ឬផ្លែឈើផ្សេងៗ ឬអាចផ្លាស់ ប្តូរ ទីកន្លែងជាមួយមិត្តរួមការងារក៏បាន ដើម្បីជៀសវាងពីមុខកុំព្យូទ័រមួយស្របក់។
- ពេលសម្រាកថ្ងៃត្រង់គួរទទួលទានអាហារឆ្ងាញ់ៗ ស្តាប់តន្រ្តីពីរោះៗដើរលេងឬធ្វើអ្វីក៏បាន។

៣-ពេលល្ងាច
- កុំមើលទូរទស្សន៍ព្រោះអាចធ្វើឲ្យអ្នកមានអារម្មណ៍តប់ប្រមល់លើសដើមអ្នកអាចអាន សៀវភៅ រឿង ប្រលោមលោកក៏បាន។
- ធ្វើការងារសិល្បៈដែលចូលចិត្តដូចជាគូរូប។
- ទទួលទានអាហារដែលងាយស្រួលរំលាយដើម្បីឲ្យអ្នកគេងលក់ស្រួលនៅពេលយប់។
- ហាត់ប្រាណ
- ងូតទឹកលាយផលិតផលដែលមានលាយផលិតផលដែលមានប្រេងក្រអូបប្រហើរ ព្រោះ វាជួយឲ្យអ្នកបំប៉នស្បែក។
- បន្ទប់គែងត្រូវមានខ្យល់អាកាសចេញចូលល្អ ដើម្បីបានទទួលអុកស៊ីសែនគ្រប់គ្រាន់។
- ទុកពេលទំនេរសំរាប់ខ្លួនឯងប្រមាណ ៣០នាទីដោយគ្មានសំលេងទូរស័ព្ទរំខាន មិនមើល ទូរទស្សន៍មិនលេងកុំព្យូទ័រ អាចអង្គុយផឹកតែ អុជទៀនពណ៌ក្រហម រូចបន្តក់ប្រេងក្រអូប ក្លិនឡាវេនឌឺ ២ឬ៣ដំណក់និងជួយឲ្យអ្នកមានអារម្មណ៍ស្រស់ថ្លា។

                                                                                             ដោយៈ ដើមអំពិល